تعال لملم شتاتي<<من تاليف// مداوية الجروح

في حي .......؟؟...... بالرياض تسكن عااائله كبيره ......؟؟..... عااائله ثرية يعيشوون بنعمه وخير وسعاااااده تتكون من 3 اخوان وهم عيال الشيخ سلطان وماجاب غيرهم لان امهم توفت صغيره ومن حبه لها حرم على نفسه الحريم من بعدها وهذا عياله
***
ابو تركي:: متوفي وهو تاجر معروف متزوج بنت عمه مضاوي
ام تركي:: ربة منزل
تركي: وهو اكبر عيالها عمره 25 سنه حكيم وعاقل وصاير لاهله الاب بعد ابوه طيب وحنون حيل ((جميل طويل وعريض اسمر وعيونه عسليات وشعره ناعم واسود طويل<<يعني بدوي خالص )))<<<حلم كل بنت <<<هع هع ه
طبعا شترك بشركت ابوه وهالشركه شراكه مع اعمامه لكن لابوه النصيب الاكبر وخاطب بنت عمه غلا
بدر: عمره 26سنه وهو حبوب وفرفوووش مررره مواصفاته مثل اخوه لاكنه انحيف شوي يشتغل بنفس الشركه
ريم: عممرها 23 سنه تدرس في 4 جامعه اخر سنه تخصص حاسب ((بنت جميله والكل ينفتن فيها وفي عيونه العسليه الواسعه طولها متوسط شعرها قصير ولونه بني وناعم ))حبووبه حيل وقلبها طيب
دانه : آخر العنقود عمرها 22 سنه تدرس بـ 3 جامعه تخصص ادارة اعمال ((طبعا ماهي اقل من اختها بالجمال قصيره ونعومه حيل تدخل القلب بسرعه عيونها واسعه وسود شعرها طويل واسود والكل يحبها وينهبل ع جمالها (( اسم على مسمى))فرفووشه وتحب لوناسه وبنفس الوقت حساااسه حيل خاصه بعد وفاة ابوها ..........
******************************************************************
العم ابوخالد: اخو ابو تركي متزوج بنت خالته الجوهره وهو مدير الشركه بعد وفاة اخوه والعيله تحبه لانه طيب
ام خالد: كانت مديرة مدرسه بعدها تقاعدة
خالد: عمره 30 ويشتغل بالشركه((طبعا جميع شباب العيله يشتغلون بالشركه )) متزوج بنت خاله العنود وعنده ولد اسمه محمد
فيصل:شاب وسيم طويل وعريض وابيض وهو توأم تركي لانه صديقه الروح بالروح عمره 25
غلا: متخرجه وجالسه تنتظر الوظيفه وهي ناعمه وحلوه
حلا: تدرس مع دانه بنفس التخصص وهم ثلاثي العيله <<الثالثه بالطريق)) وهي رجه حيل وتسحر اللي يناظرها بجمالها..
****************************
العم ابو راشد: متزوج من قرايبهم فوزيه ربت بيت
راشد: شاب جميل عمره 24 سنه يشتغل بالشركه
مريم: متزوجه من وليد من قرايبهم
بدور: ثلاثي حلا و دانه عصاابه )) حبوباات وبدور لاتقل عنهم بالجمال
&&&&&&&&&&&&&&&&&&&&
عبدالرحمن اخو لولوه((ام تركي)) وهو سندها مالها غيره مثل ماله غيرها متزوج بنت عمه جوري
وعند ولد اسمه فهد عمره 4 سنوات
وبنوته حلوه اسمها قمر عمرها سنه

يالا نبدا الفصل الاول::::::
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جا أبو تركي من صلاه عصر الخميس وحس بتعب وقال لزوجته انه طالع يرتاح بالغرفه
الجو العيال وجلسو مع امهم بالصاله تركي كان يضبط جواله بعد ماطاح عليه بالما وهو يتوضاْ وبدر يضحك عليه...
تركي معصب //: اقول ورا مااتنكتم احسن عادي جهاز بداله عشره
بدروهو يضحك:// اجل ليه متعب عمرك وتضبط فيه
تركي:// كيفي وش دخلك انت يمه سكتي ولدك
ام تركي//: ياربي منكم حشا مو رجال بزراان
بدر ماسك خط ضحك لان امه سبتهم هو عادي عنه بس تركي كشر بوجهه
دانه:// يمه وينه الغالي
ام تركي//: يقول انه تعبان وراح يريح شوي
ريم:// فيه شي يمه
ام تركي//: لا بس جا من الصلاة قال انه يحس بتعب وراح يريح
دانه//: طيب بروح اشوفه كانه يبي شي
ام تركي//: زين يمه روحي
طلعت دانه لغرفة ابوها ضربت الباب لاكن مارد عليها ابتسمت و قالت بنفسها اكيد انه نايم
فتحت البااب بخفيف لجل ماتزعجه فتحت وشهقت وتمت متجمده ع الباب شافت ابوها طايح ع السرير وعيونه مفتوحه ورافع صبعه السبابه تمت 5 دقايق واقفه وهي مصدومه ودموعها ع خدها
بعده صرخت باسم ابوها صرخه هزه اركان البيت
طبعا اللي تحت فزو كلهم يركضون للغرفه
دانه طاحت على ابوها تترجاه انه يكلمها كانت تحب راسه ويدينه ونزلت لرجوله ترجاه يكلمها ويقولها انه بخير ام تركي اول ماشافته صرخت وطاحت مغمى عليها وريم راحت وضمته وتتوسله يكلمها اما بدر اللي ماقدر يتحرك سوا دموع تنزل من عيونه كان يناظر خواته وابوه ولتفت لامه الي طاحت مغمى عيها راح يركض لها وضمه وحاول يصحيها وتركي لايقل عنهم بس بهالفتره تحمل وراح يكلم عمامه لانه مايقدر يسوي شي لحاله
جو عمامه وجابو سيارة الاسعاف معهم اما دانه اللي انجت ومنعتهم يااخذونه جاها اخوها تركي يبعدها وهو ميت صياح بس دانه انجنت ((هي دلوعة ابوها))
هزها يبيها تترجع لوعيها كفخها كف ع وجها بعدها لتفت ع اخوها تناظره نظرات توسل ودموعها ع خدها ثم طاحت بحضنه تصيح اخذوا ابوهم وراح تركي معهم وترك بدر مع امه بعد ماصحت وخواته
وصلو المشفى وكمل اجراءاة الوفاة طبعا كان قريب المغرب وقالو انو بيدفنونه عصر الجمعه
بعد ساعه رجع تركي وعمامه البيت وتركي طول الوقت كان غرقان بكى ولاهو مصدق
ولما دخل ع امه حاول يكتم دموعه لجل يخفف عليهم ومايزيدهم
راح لامه وكانت هاديه ولما دخل تركي انفجرو كلهم بكى لان تركي فيه شبه من ابوه
راح يركض بدموعه وحضن امه وتم يبكي معاها اما دانه راحت غرفتها وريم بحضن عمها تبكي
تركي//: خلاص يمه ادعي له بالرحمه
ام تركي//: خلاص راح راح الغالي راح وغرقت بدموعها
تركي//: اذكري ربك يمه خلي ايمانك بالله قوي
ام تركي//: والنعم بالله ومتى الدفان ياولدي
العم اوخالد يمسح دموعه/// : انشاء الله بكره العصر الله يرحمه ويغفرله
طبعا ريم بعد مادت انه بيندفن زادت بكا وهي بحضن عمهاا وعمها كان يواسيها ويقرا عليها اية قران ويصبرها
بدر جلس بجنب امه يهديها شوي
بعد مانتبه تركي ولاحظ عدم وجود دانه
تركي بخوف//: وين دانه
ام تركي: توها كانت هنا يمكن راحت غرفتها
تركي بخوف قام بيروح لهاالانه عارف ان دانه هي اخر العنقود وهي مدلله ومدلعه عند الكل وعارف انها حساسه حيل //:بروح لها
راح تركي وهو يدعي بقلبه ان ربي يقدره ويساعده
دخل على اخته وشافها ماسكه صورت ابوها وهي تبكي //يبه ارجع حياتي بدونك ما ابيها يبه ارجع والله مانسوى شي من دونك يبه احبك انا دلوعتك ارجع يبه وينك تكفى يبه ارجع
دمعت عيون تركي دخل وضم اخته بقوه وتمت تبكي ع حضنه وهو يبكي معها
بعدها عنه ومسح دمعتها بيده وتم يهديها لحد مانامت
نزل لامه
ام تركي// وينها
تركي//نامت يمه
شوي وجو حريم عمامهم لجل يواسونهم مر اليوم حزين ع الكل وماحد قدر ينام
تركي اخذ امه و ريم لجل يرحون شوي وماخلاهم الا لما تطمن انهم ناموا
اما هو راح يتوضا لصلاة الفجر كان متعود ابوه يصحيه للصلاة ويروح السجد معه طلع للمسجد ودموعه ع خده واخذ بدر معه رجعوا للبيت دخل بدر غرفته وغرق بموجت بكى
اما تركي راح يشوف امه لقاها ع سجادتها ورافعه كفينها لربها وهي تبكي خلاها وراح يطمن ع خواته وارتاح لما شافهم نايمين
دخل غرفته ودمعته ع خده
مر الوقت بسرعه وعلى صوت المؤذن ينادي لصلاة العصر فز قلب الام وبناتها طلع تركي مع اخوه اللي فزة دانه من مكانه تركض وراهم //بروح نعككم بشوف تكفون بس بسلم عليه ابي اشوفه خذوني تكفون
بدر ماتحمل طلع من البيت بسرعه وهو يبكي
اما تركي ضمها وهداها شوي وهي تترجاه ياخذها
طلعو العيال وعيونهم تغرق بالدموع راحوا للمقبره ووراهم الاسعاف حامل جثة ابوهم صلوا العصر ثم نادى الامام للصلاة على الميت صلو عليه
ثم تقدم تركي وبدر وعمامهم يحملون ابوهم على اكتافهم
لحد ماوصلوا للقبر نزل تركي واخوه لجل ينزلوا بوهم ويودعونه الوداع الاخير
شهق تركي بالبكا ونفس الشي بدر لما نزلوا بوهم طلع بدر لانه ماتحمل وضم عمه وهو يصيح
اما تركي تم يكلم ابوه وكانه يسمعه//الف رحمه عليك يالغالي بنشتاق لك حيل جعلك بجنات النعيم يبه كلنا نحبك ونبي رضاك يبه لاتحاتي احد امي وخواتي وبدر بعيوني لاتحاتي يبه راح اسعدهم اوعدك يبه وماببخل عليهم جعلك بجنة الخلد يالغالي مع السلامه..
باس راس ابوه ثم طلع وهم يبكي شوي وغاب ابوهم عن نظرهم بعد مالحفوه بالتراب شوي وبدة المقبره تفضى مابقى غير تركي وبدر
اجا العم واخذ عيال اخوه وراح فيهم للبيت
دخل تركي ووراه بدر
طاح تركي ع امه يقبل راسه وضمها وعزاها وتم يبكي بحضنها ومن بعده بدر
ثم راحوا لخواتهم يعظمون لهم الاجر
(((ماودي اتكلم بتفاصيل العزا اكثر احس اني بصيح<<تاثرة))
مرة يام العزا سريعه وبدة احوالهم ونفسيتهم تتغير وتركي عوضهم ووصار لهم الاب والاخ

بعد سنتين من الوفاة
دانه// عندي لكم فكره ودام حنا بنص العطله
تركي// وش فكرتك
دانه// ليه مانروح الشاليهحنا والعيله من زمان ماتجمعنا بالشاليه شرايكم
تركي// مدري وش رايك يمه
ام تركي// براحتكم شوفوا راي عمامكم وحنا جاهزين
شوي ودق تلفون البيت
بدر// هلا ومرحبا
المتصل// هلا والله بدور شخبارك وشخبار الاهل
بدر //هلافيك الخال بخير اخبارك انت واخبار الكتاكيت ههه
الخال عبدالرحمن//انا بخير وهم بخير
بدر/ ياجعله دوم
عبدالرحمن//اختي وينها بكلمها
بدر// أي دقايق دحوم
عبدالرحمن//وجع اصغر عيالك
بدر// لا والله العفو بس واحد من الربع ههههه
بدر يمد التلفون لامه
ام تركي// هلا والله بالغالي الغايب
عبدالرحمن //هلا بالشيخه هلا بميمتي (كان يسميها امي لان هي اللي ربته وعتنة به بعد وفاة امها))
ام تركي//هلافيك شخبارك واخبار مي والعيال طمني عنهم اشتقتلهم
عبدالرحمن// ماني مطمنتس فتحي الباب وتعالي تطمني عليهم
ام تركي فزة مبسوطه//يابعد قلبي انت هنا يالا اللحين افتح لك الباب
وسكرة بدون ماتقوله مع السلامه
ام تركي //قومو خالكم براا هو والعيال
طبعا كانو يحبون خالهم لانه باعمارهم وهو وتركي ربع وهو حبوب ونكوتي فللله وهم ماشافوه من فتره بسبب الشغل وهو عايش بالقصيم
فتحو الباب لقو خالهم والعيال رح عبدالرحمن وضم اخته وسلم عليها
سلمو عليهم وريحو
شوي ونزلت دانه وريم يسلمو ع خالهم وزوجته
ريم//هلا بالغالي وينك فقدناك
عبدالرحمن ومسوي زعلان//أي اشوفكم سالتوا عني
ريم// توي من يومين مكلمه مي وسالتها عنك
عبدالرحمن متفشل//أي قالت لي...الممهم اخباركم وحشتووني اشتقت للهبال
تركي/ههه الحمداله والشكر الناس تكبر وتعقل وانت,,
عبدالرحمن//مالك شغل انت يااروميو الا متى زواجك
تركي// لسه بعدين مو اللحين
عبدالرحمن// مو على كيفك بكره نروح نملك عليها
تركي/ يصير خير زين جيت كنا مخططين نروح الشاليه
عبدالرحمن//يعني خططتوا وماقلتو لي افا بس اهون انا اخيتس ماتقولين لي
ام تركي//لا والله بس للحين ماقالوا لعمامهم وروحوه بدونك ماتسوى
عبدالرحمن//فديت قلبتس يالغاليه
ام تركي//ترى الغرفه نظيفه اذا تبون تريحون شكل مي تعبانه
مي// يابعد القلبي شوية تعب من الحلوين بس شوفتكم ترد الروح
ام تركي// أي لازم الله يخليهم لكم ويربون بعز ابوهم
عبدالرحمن// انا بروح انزل الشنط من السياره
فهد// بابا
عبدالرحمن //لبيه
فهد// وين بتلوح
عبدالرحمن//بجيب الشنط واجي مابلوح مكان
فهد/ طيب لوح
عبدالرحمن وتحيه عسكريه لفهد//امرك سيدي؛؛والله اخر زمن
ترك// احسن كفو فهودي
عبدالرحمن// اقول اهجد لا تخرب الولد نشوف عيالك والله ان ماتنام الا بشورهم
تركي وهو يضحك// مسكين الله يكون بعونك
قام تركي مع خاله يشيلو الشنط وبدر كان يضبط لابتوب ريم اللي توها شاريته
دانه //ههه يحلوه تعال فهودي تبي حلاوه
فهد مبتسم// أيوا ابي هلاوه
اخذة دانه فهد وراحت معه لللغرفه
ريم// هابدر ضبطته
بدر// أي نزلت لك برامج جديده وضبت كل شي تعالي شوفي

سوري مابكمل الا بعد الردود
يالا ردوركم لجل اتحمس

لااااااااااااااااااااااااااااا تحمست الله يهديك....~

مو ع كيفك تكملينها يلا ...~

انتظرك يالغاليـــــه

راحت ريم تشيك ع لابها وبدر طلع لغرفته ينام
ام تركي كانت تلاعب قمر لحد مانامت
مي// قمور نامت
ام تركي//أي ياعمري هي نامت
مي//عطيني ايها لاتتعبتس باخذها للغرفه
ام تركي تمدها//اجل روح ريحو لاجا وقت العشا صحيناكم
عبدالرحمن داخل بالشنط// وش عندكم
ام تركي//سلامت قلبك يالغالي لحظه انادي الشغاله تشيلهم عنك
عبدالرحمن/// الله يسلمتس لاعادي
ام تركي تنادي الشغاله تاخذ الشنط وتوديهم لغرفة عبدالرحمن
اخذ عبدالرحمن مي وراحوا يريحون بغرفتهم

في بيت بو راشد كانت الساعه12 طبعا ابو راشد وام راشد نايمين من 11
بدور// رشود طفشانه
راشد يقلب بالمحطات//طيب وش اسوي لك
بدور// مدري طفشانه
راشد يقوم من مكانه// روحي نامي
بدور بياس// مو جايني نوم وين تروح
راشد//للربع
بدور// وانا
راشد// شنو وانا
بدور// من اقعد معه عارفه بعد مريوم مافي الا انت في هالبيت اسولف معه بهالوقت
راشد حس فيها حس انها بتبكي//طيب دقي ع دانه او حلا سولفي معها فحطي بالنت شوفي شي ضيعي وقتك
بدور//الكل نايم خلاص رح لربعك بروح لغرفتي اشكي وحدتي
راشد بحنيه//ياربي لو انك ولد كان اخذتك معي
شوفي بروح دقايق وبرجع لاتنامين زين
بدور//اصلا مافيني نوم وين بتروح
راشد// مالك شغل شوي وارجع يالا
بدور//اوك انتظرك
بدور مسكينه عايشه مع امها وابوها ومريم اختها تزوجت وراحت مع زوجها وبقت لوحدها وماعندها الا راشد تتسلى معه صحيح هي ودانه وحلا قراب لبعض اكثر من انهم بنات عم بس بس من بعد وفاة ابو تركي صارة جمعاتهم قليله ومايشوفوا بعض الا بالجامعه
والحين مالها الا راشد وهو يحب اخته لانها الصغير ومن صغرها وهو يدللها ويعتني فيها وهو قريب لها حيل ومايرفض لها طلب
بعد ساعه رجع راشد وبيده اشرطت فيديو ووجبات من كنتاكي
بدور بفرح// احساااس فيك كذا ونعم الاخو اف ميته جووع
راشد// شفتي ماحد يحس فيك غيري
بدور// لبى قلبك وش ذا الاشرطه
راشد// للتسليه مسرحياات جديده وافلام اكشن جديده
بدور// غير الهندي ما اقبل
راشد// وانا اقدر ماجيب شي تحبينه جبت شريط واحد هندي لـ اميتاب
بدور// الله وناسه يالا بروح اجيب الفيديو
راشد// اوكي
جابت الفيديو وبعد ما شبكة شغلوا لهم مسرحه وانبسطوا لحد الساعة 2 ثم كل واحد راح غرفته ينام
السااعة 6 الصباح صحى العم ابو خالد وراح يصحي عياله لاشغالهم
ام خالد كانت تجهز الفطور مع الخدم
نزل ابو خالد بعد ماجهز وجلس بالصاله
ام خالد وهي داخله الصاله// السلام عليكم صبح النور والسرور
ابو خاد بابتسامه//وعليك السلام صباحك الرضا
ام خالد// ها العيال صحوا ولا
ابو خالد//أي صحيتهم
شوي وينزل فيصل ويسلم على ابوه وامه ويجلس معهم
ثم نزلو البنات وراحوا يفطرون وكل واحد توجه لشغله

الساعة 10 كانت ام تركي جالسه مع اخوها ومي والحلوين اما ريم كانت نايمه ودانه بالجامعه اخر سنه والعيال بدوامهم
عبدالرحمن//اقول اختي
ام تركي//لبيه
عبدالرحمن// لبى قلبتس اللحين متى بتزوجون تركي
ام تركي// والله مدري قلته ذاك اليوم وقال ماني متزوج الا بعد ما اطمن ع خواتي
عبدالرحمن//أي بس مايصير البنت تنتظر
ام تركي//وش اسوي عجزة منه وانا اقوله
عبدالرحمن//نبي نفرح فيه خلاص انا ااقنعه ما اروح الا هو مالك عليها
ام تركي//كان زين يا خوي ولاتضيع البنت منه
مي//الله يكتب اللي فيه الخير وتفرحين به يارب
بعد ماجا تركي وبدر من الدوام جا عبدالرحمن اخذ تركي وراح معه المجلس
تركي//بسم الله خير وش فيك
عبدالرحمن//ابيك بموضوع
تركي//امر كلي فداك
عبدالرحمن//لا خلك فدى غلا
تركي// غلا,,,؟؟!!
عبدالرحمن//أي غلا متى بترحمها حرام عليك البنت تنتظرك متى ناوي تعتقها
تركي//دحوم مو الحين بعدين
عبدالرحمن//شنو بعدين لاتعلق البنت فيك نبي نفرح فيك كانك ماتبيها خلها تروح بسبيلها الف واحد يتمناها
تركي//لا انا ماقلت مابيها بس....
عبدالرحمن//وشو بس
تركي وعيونه تدمع// ماني قادر اروح ااملك عليها
عبدالرحمن//وليه
تركي// وابوي كيف اروح بدونه وانا اللي كنت انتظر هالحظه اللي يمسك يدي ويوصلني لها
عبدالرحمن/ياخوي هذا غضاء وقدر وانت اقوى من كذا وايمانك بالله قوي وابوك اكيد بيفرح لك ما يجوز تقول كذا ادع له بالرحمه
تركي//الله يرحمه
عبدالرحمن//واعرف انه اكثر واحد بيفرح لك لان هذي امنيته وانت بتحققها له
تركي//طيب ياخالي اللي تشوفونه
عبدالرحمن//اجل من بكرا تروح تملك عليها وتعطيها المهر اللي بخلان عليها فيه البنت تبي تجهز
تركي//ومتى العرس
عبدالرحمن بابتسامه//والله الولد طاير هونك البنت تبي تجهز شف انا لما خطبت مي شهر وهي تجهز
تركي//الله وكيف تحملت
عبدالرحمن//لاني كنت مالك عليها
تركي//اها اجل اللي تشوفونه
عبدالرحمن ماسك يد تركي// اجل قم نبشر امك
راحوا للصاله وكان الكل موجود
عبدالرحمن//مبرووووووووووووك بعد عناء شديد وحهد جهيد وسهر الليالي وعرق الجبين
تركي// خطبه هي اقول اسكت
عبدالرحمن// لاززم مقدمه لجل اشدهم للحدث
تركي اكتفى بضحكه//ههههه الحمدالله
دانه// وش فيه يالا قولوا
عبدالرحمن//دقوا على ابو خالد قولو لهم بكرا ملكت غلا على تروكي
ام تركي تزغرط/كلللللللللللوووووووووووووووووووش الف مبروك يالغالي ...
ومن الفرحه دمعت عيونها راح تركي وضمها وباس راسها
راحت ام تركي تتصل على بيت ابو خالد
ام تركي// السلام عليكم
ام خالد// هلا ام تركي وعليكم السلام
ام تركي//هلا بك اخبارك واخبار ابو خالد والعيال
ام خالد//والله بخير انتم اخباركم واخبار العيال
ام تركي//والله يسرك الحال ها اخبار مرت ولدي
ام خالد//بخير ولله الحمد
ام تركي//الله يسلمك بغيت اخذ منكم موعد ليوم الخميس ودنا نجيب الملاك
ام خالد//هذي الساعه المبارك والله ياهلا ومرحبا حياكم باي وقت
ام تركي///الله يحيك نبيك تاخذين راي ابو خالد
ام خالد//ولايهمك اشاروه وارد لك خبر
ام تركي//خلاص انتظر ردك فمان الله
ام خالد//فمان الكريم
بعد ماسكرة
تركي// يمه ليه الخميس
الام//أي اجل تبيه بكرا
تركي بتهور//أي يمه
الام//يمه على وليدي وين البنت تبي تجهز تبي تروح تعدل هم بعد يبون يتجهزون
تركي بخجل// لا يمه براحتهم
عبداالرحمن يضحك// هههه اللا ودك الحين موو بكره بعد ولاكيف ترووك
بدر//ههههههههههه عندك احسااس يادحوم تلاقيه من داخل يقول ياليت ياليت
ههههههههههه
تركي ///اقول بلاحكي فااضي خلو البنت ع راحتها
بدر//أي صادق خلو البنت على راحتها والولد على ناره هههه
تركي بأقرب مخده حذفها على بدر

يسلموو ع القصة النايس..
نتريا البارت الياي..
بس بسرعة
لوووول

عن قريب انشاااء الله