ويا قصة ٍ عايشه لـو مـات .. آخرهـا

الدمعه الي تكابر .. فـي طـرف عينـي يردها ( الموق ) بس ( الجفن ) ,, حدرها

سمعت صوتـك مـع العالـم .. ينادينـي .!
وازريت لا ردهـا .. بالعيـن واسترهـا .!!

وصديت مـاودي ان النـاس .. توحينـي .!
مثلي يموت ودموعه .. صعـب ينثرهـا .!!

ويخنقني البوح .. بـس القلـب يعصينـي .!
ويبقا بوسط الصدور .. وفـي خواطرهـا .!!

والحزن لوني خفيتـه .. واضـح ٍ فينـي .!
ورد على القلب .. والفرحـات صدرهـا .!!

والبسمه الـي تبينـي .. بـس تخطينـي .!
متى على الله .. يجيها يـوم واظهرهـا .!!

ألآحي الـورق .. مـدري هـي تلاحينـي .
اوَن وتسجـع .. و ونـاتـي تكـررهـا .!!

لبيـه يـا ذكرياتـي .. واجمـل سنينـي .!
ويا قصة ٍ عايشه لـو مـات .. آخرهـا .!!

وين انت يـ/اول غرامـي .. يـا معنينـي.!
وين انت يـ/اغلا ذنوب القلب .. واطهرها .!!

اصحا وطيفـك .. معـا زولـي يبارينـي .!
وارقد واشوفك .. مع احلامي تباشرهـا .!!

مدري تناسا غصَـب او انـت .. ناسينـي .!
ومدري عهودك وش الي صدق .. غيرها .!!

واليوم .. وينك بـ/هالدنيا .. وانا وينـي .!
طالت ليال الفراق .. بـ/عين ساهرهـا .!!

كم قلت ( توبه ) .. ترا ما عـاد تعنينـي .!
ان جات لـ/النفس .. نفسي يمكن اقدرها .!!

واليا اظلـم الوقـت .. هوجاسـي يسرينـي
ويضيق صدري .. و كل ايامـك اذكرهـا .!!

وتبيني .. انسا .. وانا مـا عـاد يمدينـي .!
لو شفت حالـي .. قسـم بالله تعذرهـا .!!

اصبَـر الحـال .. فـي قولـة بـ/ياتيـنـي
وانا ادري اني .. اببطي .. لـو اصبرهـا .!!

وقصايدي فـي غيابـك .. مـا تسلينـي .!
لو تطرب الناس .. تشكي جرح شاعرها .!!

والنفس تشكي زمان ٍ .. صدق مشقينـي .!
حتى انت يـ/اغلا البشر .. تبعد وتحقرها .!!

والدمعه الي مـن الوحـده .. تواسينـي .!
إلـي مـن آخـر لقـا .. بالله خابرهـا .!!

شفها تكابر وترجف .. في طـرف عينـي .!
ولاني عقب شوفتك يالزيـن .. ذاخرهـا .!!

رآقت لي

.

أحمد بن جوفآن

واليوم .. وينك بـ/هالدنيا .. وانا وينـي .!
طالت ليال الفراق .. بـ/عين ساهرهـا .!!

كم قلت ( توبه ) .. ترا ما عـاد تعنينـي .!
ان جات لـ/النفس .. نفسي يمكن اقدرها .!!

لاهنتي ع ذووقكـ الرااقي
قصيده راائعه

لكِ ودي وتقديري

يعطيك الف عافيه